მოგესალმებით სს "ესკოს" ვებ - გვერდზე
"ელექტროენერგეტიკული სისტემის კომერციულმა ოპერატორმა" (ესკო) ფუნქციონირება 2006 წლის 1 სექტემბერს დაიწყო. ესკო ელექტროენერგეტიკულ სისტემაში სხვა ენერგოობიექტებთან საერთო კონტექსტში განიხილება და ენერგოსისტემის ერთ-ერთ მნიშვნელოვან და ლიკვიდურ რგოლს წარმოადგენს. ესკოს ფუნქციური და საკადრო რესურსის მონაწილეობით, საქართველო გვევლინება ელექტროენერგიის ექსპორტიორ ქვეყნად, ხოლო ქართული ელექტროენერგეტიკული სისტემა ქვეყნის ეკონომიკისათვის ფართო სამომავლო პერსპექტივების მქონე სფეროა.
სისტემის კომერციული ოპერატორის ფუნქციები:
- საბალანსო ელექტროენერგიის (სიმძლავრის) ყიდვა-გაყიდვა (მათ შორის, იმპორტსა და ექსპორტზე საშუალო- და გრძელვადიანი ხელშეკრულებების გაფორმების გზით).
- გარანტირებული სიმძლავრით ვაჭრობა "ელექტროენერგეტიკისა და ბუნებრივი გაზის შესახებ" საქართველოს კანონისა და "ელექტროენერგიის (სიმძლავრის) ბაზრის წესების" შესაბამისად.
- საბითუმო ყიდვა-გაყიდვის შესახებ ერთიანი ბაზის, მათ შორის, აღრიცხვიანობის ერთიანი რეესტრის შექმნა და წარმოება.
- საქართველოს ერთიან ელექტროენერგეტიკულ სისტემაში ელექტროენერგიისა და სიმძლავრის მიწოდება-მოხმარების დაგეგმვის მიზნით დისპეტჩერიზაციის ლიცენზიატისათვის შესაბამისი ინფორმაციის წარდგენა.
- საბითუმო აღრიცხვაში გამოყენებული მრიცხველების ინსპექტირება.
- ახალი ელექტროსადგურების მშენებლობის ხელშეწყობა.
- კანონით განსაზღვრული სხვა ფუნქციების განხორციელება.
საქმიანობის მიმართულებები:
-
საბალანსო ელექტროენერგიით ვაჭრობა
ესკო, კანონით მინიჭებული უფლებამოსილების ფარგლებში, მნიშვნელოვან როლს ასრულებს ელექტროენერგიით საბითუმო ვაჭრობის პროცესში.
-
ახალი ელექტროსადგურების მშენებლობის ხელშეწყობა
ესკო განახორციელებს ახლადაშენებული ელქტროსადგურის მიერ წარმოებული ელექტროენერგიის სავალდებულო წესით შესყიდვას მოქმედი კანონმდებლობის შესაბამისად.
-
გარანტირებული სიმძლავრით ვაჭრობა
ესკო ვალდებულია დისპეტჩერიზაციის ლიცენზიანტთან დაარეგისტრიროს ხელშეკრულების სტანდარტული პირობები გარანტირებული სიმძლავრის ყიდვა-გაყიდვაზე.
-
იმპორტ-ექსპორტი
ესკო საბალანსო ელექტროენერგიის ყიდვა-გაყიდვის მიზნით იმპორტსა და ექსპორტზე საშუალო და გრძელვადიან ხელშეკრულებებს აფორმებს.
-
საბითუმო ვაჭრობაში რეგისტრაცია
ესკო უფლებამოსილია საბითუმო ვაჭრობაში დაარეგისტრიროს კვალიფიციური საწარმო – დადგენილი ფორმით შევსებული განაცხადისა და დოკუმენტების წარდგენის შემდეგ.
-
აღრიცხვის მონიტორინგი
ესკო, დაინტერესებულ მხარეებთან ერთად, ანხორციელებს საბითუმო ანგარიშსწორების სააღრიცხვო კვანძების სისტემატურ მონიტორინგს.